Ministria e Drejtësisë, me mbështetje të OSBE-së, ka organizuar një punëtori treditore me qëllim të finalizimit të akteve normative të cilat rrjedhin nga deklarata e përbashkët të zotimeve.

Gjatë kësaj punëtorie, përveç ministres së Drejtësisë,  Albulena Haxhiu, kanë marrë pjesë dhe përfaqësuesit nga Këshilli Gjyqësor i Kosovës, Këshilli Prokurorial i Kosovës, Akademia e Drejtësisë, përfaqësues të BE-së, Ambasadës amerikane, OSBE-së dhe OJQ-ve, me ç’rast po diskutohet më shumë rreth finalizimit të akteve normative që përfshijnë disiplinën, integritetin, performancën dhe statusin e gjyqtarëve dhe prokurorëve.

Në fjalën e saj, Haxhiu ka thënë se me këto akte normative, finalizohet procesi që rrjedhë nga Deklarata e Zotimeve, pjesë e reformës në drejtësi, përmes së cilave rregullohet kontrolli i integritetit për gjyqtarët dhe prokurorët, forcohet sistemi i disiplinimit, vlerësimi performances dhe deklarimit të pasurisë.

Po ashtu, janë përfshirë ndryshime të rëndësishme në ligjet që rregullojnë rekrutimin, avancimin dhe statusin e gjyqtarëve dhe prokurorëve.

Aktet normative të finalizuara do të procedohen për votim në qeveri dhe Kuvendin e Kosovës në javët në vijim.