Situata e ditëve të fundit me protagonist Osimhen po shkon drejt fundit. Perdja u rrëzua, përsëri përmes rrjeteve sociale, nga sulmuesi Nigerian që donte të mbronte pozicionin e tij ndaj tifozëve napolitan.

“Ardhja në Napoli në vitin 2020 ishte një vendim i mrekullueshëm për mua. Njerëzit të Napolit më kanë treguar dashuri dhe mirësi, nuk do të lejoj askënd të vijë mes nesh. Pasioni i popullit të Napolit më ndez zjarrin për të luajtur gjithmonë me zemër dhe shpirt. Unë e mbaj këtë stemë me krenari dhe dashuria është e palëkundur. Akuzat kundër popullit të Napolit janë të rreme, shumë prej tyre janë bërë pjesë e familjes sime dhe e përditshmërisë sime”, tha ndër të tjera Osimhen.