Presidentja e Republikës së Kosovës, Vjosa Osmani Sadriu, ka reaguar pas vdekjes së ish-diplomatit të parë amerikan në Kosovën e pasluftës, John Menzies.

Osmani ka thënë se ambasadori Menzies ka shërbyer në Kosovë në ditët tona më të errëta, duke përforcuar thirrjet tona për paqe dhe pavarësi.

“Ambasadori John Menzies, mik i madh i vendit tonë dhe ish-shefi i misionit të ShBA-së në Kosovë, ka ndërruar jetë. Ai shërbeu në Kosovë në ditët tona më të errëta dhe i përforcoi thirrjet tona për paqe dhe pavarësi. Ngushëllime të sinqerta familjes dhe miqve të tij”, ka thënë Osmani.