Kandidatja nga Lidhja Demokratike e Kosovës për kryeministre, Vjosa Osmani, ka bërë homazhe në Kompleksin Memorial të dëshmorëve dhe viktimave civile në Han të Elezit.

Ajo ka thënë se dëshmorët dhe viktimat civile janë themeli i lirisë së Kosovës, njofton Klan Kosova.

“Dëshmorët dhe viktimat civile, këtu në Han të Elezit dhe në gjithë Kosovën, janë themeli i lirisë sonë, të cilët do ta kenë nderimin dhe respektin e përjetshëm”, ka thënë Osmani.

Me këtë rast, Vjosa Osmani është shoqëruar edhe nga kryetari i Degës së LDK-së në Han të Elezit, Feim Brava.