Kryetarja e Kuvendit të Kosovës, Vjosa Osmani, ka thënë se ikja e gazetarit Sulejman Gashi është një humbje e madhe për familjen, Kosovën, e posaçërisht për komunitetin e gazetarëve.

Në telegramin ngushëllues, Osmani ka theksuar se veprat e Sulejman Gashit do të mbeten referencë për të gjitha kohët e brezat si dëshmia më e mirë se si punohet jo vetëm për ta shpërfaqur të vërtetën, raporton “Epoka e re”.

 Telegrami i plotë:

E nderuar Familje Gashi,

Ikja e gazetarit Sulejman Gashi është një humbje e madhe jo vetëm për ju, por për gjithë Kosovën, e posaçërisht për komunitetin e gazetarëve.

Ai ishte njeriu, i cili kapërceu dimensionin e të qenit vetëm gazetar.

Veprat e tij do të mbeten referencë për të gjitha kohët e brezat si dëshmia më e mirë se si punohet jo vetëm për ta shpërfaqur të vërtetën!

Familjes dhe komunitetit të gazetarëve, ngushëllime.

Sulejman Gashi u prehtë në paqe!