Ushtruesja e detyrës së presidentit, Vjosa Osmani ka mbajtur sot një takim virtual me drejtoreshën e USAID-it, Lisa Magno.

Sipas njoftimit të presidencës, Magno ka uruar Osmanin për fitoren në zgjedhje, duke i uruar sukses të mëtejmë në punën e saj.

Ajo ka shprehur interesimin e saj për përgatitjet që janë duke u bërë për formimin e institucioneve të reja, dhe për prioritetet e qeverisjes së ardhshme.

“U.d presidentja Osmani  theksoi se ndër prioritetet e para do të jetë menaxhimi me pandeminë, përkatësisht sigurimi sa më i shpejtë dhe në sasi sa më të madhe i vaksinës kundër Covid-19, për të cilën ripërsëriti që Kosova llogaritë në shtetet mike për ndihmë në atë drejtim, veçmas shtetet që deri tani ia kanë dalur në këtë drejtim. Tutje, si prioritet, znj. Osmani shtroi çështjen e drejtësisë, luftimin e krimit dhe korrupsionit, krijimin e vendeve të punëve dhe fuqizimin e gruas, duke nënvizuar që progresi në këto fusha është i domosdoshëm për një shtet të qëndrueshëm dhe funksional”, është thënë në njoftimin e Presidencës.