Presidentja e Kosovës, Vjosa Osmani, ka kërkuar zyrtarisht nga Qeveria që të pezullojë tarifën 10% për produktet e importuara nga Shtetet e Bashkuara të Amerikës, një lëvizje që ka marrë mbështetje të menjëhershme nga kongresmeni republikan Carlos A. Gimenez, raporton Periskopi.

Përmes një postimi në rrjetin social ‘X’, kongresmeni amerikan e ka falënderuar publikisht Presidenten Osmani për këtë vendim, duke theksuar se ky shembull duhet të ndiqet edhe nga shtetet e tjera evropiane.

“Faleminderit, Zonja Presidente! Ky veprim po pritet mirë në Shtetet e Bashkuara dhe aleatët tanë të tjerë në Evropë duhet të ndjekin shembullin tuaj.”, ka shkruar ai.