Presidentja e shtetit, Vjosa Osmani, ka thënë se qëndrimin e saj në Iowa të Shteteve të Bashkuara të Amerikës e ka filluar me një vizitë në kampin ushtarak “Camp Dodge”.

Osmani tha se Garda Kombëtare e Iowa-s ka ndihmuar FSK-në me rritje të kapaciteteve teksa shtoi se vizitën në Iowa e ka nisur me qëllim të forcimit të partneritetit me ta, shkruan Reporteri.net.

“Qëndrimin në Iowa e fillova me vizitë në Camp Dodge. Garda Kombëtare e Iowa-s ka luajtur rol kyç përgjatë viteve në rritjen e kapacitetit dhe aftësive të forcave tona të sigurisë. Jemi këtu për ta zgjeruar partneritetin me shtetin simotër dhe të forcojmë tutje lidhjet tona të pathyeshme me ShBA-të”, shkroi Presidentja e shtetit në “X”.