Osmani nga Antalya: Kosova çdo ditë e më shumë po e fuqizon pozitën e saj në arenën ndërkombëtare
Presidentja e vendit, Vjosa Osmani, ka falënderuar homologun e saj turk Presidentin Erdogan, Zonjën e Parë Emine Erdogan dhe të gjitha institucionet turke për mikpritjen dhe “mbështetjen e shtetit tonë përgjatë Forumit Diplomatik të Antalyas”.
Për të cilën Osmani tha se “është një platformë e rëndësishme për t`i thelluar raportet tona me aleatët tanë dhe për të krijuar partneritete të reja”.
“Njohja nga Sudani dhe diskutimet konkrete me përfaqësues të vendeve që ende nuk e kanë njohur Kosovën, si dhe takime me shumë partnerë të tjerë, dëshmojnë përkushtimin tonë për ndërtimin e miqësive të reja dhe forcimin e aleancave ekzistuese”, shkruan Osmani në FB.
“Kosova çdo ditë e më shumë po e fuqizon pozitën e saj në arenën ndërkombëtare falë punës së pandalshme dhe mbështetjes së miqve që gjithnjë na qëndruan pranë”, është shprehur presidentja.
