Presidentja e Kosovës, Vjosa Osmani, ka publikuar sërish një fotografi ku shihet pranë presidentit amerikan, Joe Biden dhe Zonjën e Parë të ShBA-së, Jill Biden.

Ajo përmes një postimi në “Facebook”, krahas kësaj fotografie është shprehur se kjo është aleancë që qëndron në themelet e shtetit tonë.

Gjithashtu, Osmani ka shprehur falënderimin e saj për Bidenin dhe Zonjën e Parë për siç tha ajo, mikpritjen dhe bashkëbisedimin.

“Aleancë që qëndron në themelet e shtetit tonë. Faleminderit presidentit Biden dhe Zonjës së Parë, dr. Biden për mikpritjen dhe bashkëbisedimin”, ka shkruar Osmani.