Presidentja e Kosovës Vjosa Osmani, ka marrë pjesë në “World Forum” në Berlin.

Ky organizim ka mbledhur kampionë global të demokracisë, pikërisht aty ku para 35 vjet rënia e Murit të Berlinit shënoi një moment përcaktues për demokracinë në mbarë botën.

Osmani ka thënë se demokracia është një nga arritjet më të mëdha të njerëzimit, por nuk është e vetëqëndrueshme ajo është vepër e çdo brezi, e ndërtuar dhe e forcuar ditë pas dite.

“Në Kosovë, këtë e kuptojmë më së miri. Demokracia për ne nuk është vetëm njëra nga opsionet – është opsioni i vetëm, sepse e dimë se çfarë sjell mungesa e saj-shkatërrim, vuajtje dhe humbje jete. Prandaj, populli ynë, mbetet i palëkundur në përkushtimin ndaj vlerave demokratike”,  ka thënë Osmani.