U.d presidentja e Kosovës, dr. Vjosa Osmani-Sadriu, priti në takim lamtumirës ambasadorin e OSBE-së në Kosovë, Jan Braathu.

Në takim u diskutua lidhur me zhvillimet e fundit aktuale politike në vend dhe e falënderoi ambasadorin Braathu si përfaqësues të shtetit norvegjez dhe si ambasador i OSBE-së, raporton “Epoka e re”.

Ajo theksoi rolin e rëndësishëm të OSBE-së në mbështetjen e KQZ-së dhe institucioneve të tjera në vend.

“Misioni i OSBE-së është shumë i rëndësishëm për procesin e demokratizimit”, ka thënë u.d. presidentja Osmani.
Sipas Osmanit, cilësia e procesit zgjedhor luan rol në avancimin e demokracisë në vend.

Ndërkaq ambasadori Braathu ka falënderuar u.d. presidenten Osmani për pritjen dhe ka premtuar vazhdimin e mbështetjes së OSBE-së për institucionet e Kosovës.