Presidentja Vjosa Osmani ka pritur sot në takim Ambasadorin William Walker, në prag të përvjetorit të Masakrës së Reçakut.

Në njoftimin e lëshuar nga Presidenca thuhet se Osmani e ka falenderuar Walker për kontributin e tij për të vërtetën për Reçakun, teksa ka thënë se masakra e vitit 1999 nga regjimi gjenocidal i Serbisë është kujtesë e përhershme për 45 burrat, gratë dhe të moshuarit, të cilët u masakruan brutalisht më 15 janar 1999.

“E vërteta e Reçakut është e pamohueshme”, ka deklaruar Osmani.