Osmani takohet me Clintonin: Kosova është e bekuar me miqtë më besnikë
Presidentja e Kosovës, Vjosa Osmani është takuar me ish-presidentin e Shteteve të Bashkuara të Amerikës, Bill Clinton.
Osmani ka thënë se është pak të thuhet se Kosova është e bekuar me miqtë e saj. Ndërsa e ka falënderuar Clintonin, Osmani ka publikuar disa fotografi me të.
“Është pak të thuhet se Kosova është e bekuar me miqtë më të përkushtuar dhe më besnikë. President, faleminderit për gjithçka që keni bërë për njerëzit tanë”, ka shkruar Osmani në llogarinë e vet në “Twitter”.
Ish-presidentit të ShBA-së, Bill Clinton, i ishte dhënë Urdhri i Lirisë së Kosovës nga ish-presidenti Hashim Thaçi pasi në vitin 2019 kishte qëndruar në Prishtinë për 20-vjetorin e hyrjes së trupave të NATO-s në Kosovë.
Me urdhër të Cllintonit, NATO kishte nisur fushatën 78-ditore të sulmeve ajrore kundër Serbisë në vitin 1999 në një përpjekje për ta detyruar presidentin e atëhershëm serb, kasapin e Ballkanit, Sllobodan Millosheviq të pranonte kushtet e një marrëveshjeje për t’i dhënë fund fushatës së tij ushtarake kundër Ushtrisë Çlirimtare të Kosovës, e cila përfshinte spastrime dhe vrasje të gjera etnike të civilë shqiptarë të Kosovës.
To say Kosovo has been blessed with the most dedicated and loyal friends would be an understatement.
Mr President @BillClinton, thank you for all you have done for our people. pic.twitter.com/0Bu2yVY2sp
— Vjosa Osmani (@VjosaOsmaniPRKS) September 23, 2021