Kandidatja e Lidhjes Demokratike të Kosovës (LDK) për kryeministre, Vjosa Osmani, është takuar në Bruksel me komisionerin evropian për politikat e fqinjësisë dhe zgjerimit, Jonnahes Hahn.

Osmani dhe Hahn kanë diskutuar për sfidat që e presin Kosovën dhe reformat e nevojshme për përshpejtimin e integrimit evropian të Kosovës.

“Me ftesë të Komisionerit Johannes Hahn, sot zhvilluam takim në Bruksel për të diskutuar për sfidat që e presin Kosovën dhe reformat e nevojshme për përshpejtimin e integrimit evropian të vendit tonë”, ka shkruar Osmani në llogarinë e vet në “Facebook”.