Presidentja e Kosovës, Vjosa Osmani, gjatë qëndrimit të saj në Uashington DC është takuar me kongresistin Keith Self, kryesues i Nënkomitetit për Evropën i Komisionit të Punëve të Jashtme të Dhomës së Përfaqësuesve.

Sipas Osmanit, ata kanë diskutuar për sfidat e sigurisë në Kosovë dhe rajon, si dhe rëndësinë e partneritetit me ShBA-të për paqen dhe stabilitetin.

“Gjatë vizitës në Uashington D.C, u takova sërish me Kongresistin Keith Self, kryesues i nënkomitetit për Evropën i Komisionit të Punëve të Jashtme të Dhomës së Përfaqësuesve”.

“Diskutuam për sfidat e sigurisë në Kosovë dhe rajon, si dhe rëndësinë e partneritetit me ShBA-të për paqen dhe stabilitetin”, ka shkruar Osmani në “Facebook”.