Presidentja e Republikës së Kosovës, Vjosa Osmani, në margjina të Konferencës së Sigurisë në Mynih (MSC) është takuar me kryeministrin e Libanit, Najib Mikati.

Presidentja Osmani dhe kryeministri Mikati kanë shprehur vullnetin për t’i forcuar marrëdhëniet dypalëshe në mënyrë që t’i afrojnë të dy vendet dhe të dy popujt.

Kosova dhe Libani kanë raporte shumë të mira historikisht, ndaj presidentja Osmani dhe kryeministri Mikati kanë rënë dakord t’i avancojnë më tutje këto raporte me veprime konkrete në dobi të popujve që përfaqësojnë.