Nënkryetarja e Lidhjes Demokratike të Kosovës (LDK), Vjosa Osmani, është takuar të martën në Gjermani me Richard Grenellin, ambasador i ShBA-së në Berlin dhe përfaqësues special për dialogun Kosovë-Serbi i presidentit amerikan, Donald Trump.

Osmani ka thënë se ky takim ka të bëjë me fuqizimin e bashkëpunimit të mëtutjeshëm të Kosovës me ShBA-në.

“Faleminderit shumë ambasador Richard Grenell për një takim shumë të mirë në Ambasadën e SHBA-së në Berlin sot. Duke shikuar përpara drejt fuqizimit të bashkëpunimit tonë të mëtejshëm”, ka shkruar Osmani në llogarinë e vet në “Twitter”.

Përveç Grenellit, Osmani përgjatë qëndrimit në Berlin pritet të takojë edhe shumë zyrtar të lartë të qeverisë gjermane.

Thank you Ambassador @RichardGrenell for a great discussion at the U.S. Embassy in Berlin today. Looking forward to further strengthing our cooperation. 🇽🇰 🇺🇸 pic.twitter.com/NtymSPywZu

— Vjosa Osmani (@VjosaOsmaniPRKS) December 10, 2019