Presidentja e Kosovës, Vjosa Osmani, e ka takuar mësuesen e saj, Xhevahiren, për të cilën ka thënë se ka triumfuar në një nga betejat më të vështira jetësore, duke e mposhtur dy herë radhazi kancerin.

Osmani ka thënë se pavarësisht kësaj, ajo me forcë, guxim dhe angazhim të jashtëzakonshëm vazhdon të lërë gjurmë të pashlyeshme në punën e çdoditshme me brezin e ri.

“Dija është rruga më e sigurt për të ardhmen dhe mirëqenien, ndaj mësuese Xhevahire, urime Ditën e Mësueses dhe punë të mbarë e shëndet në misionin tuaj fisnik”, ka shkruar Osmani në “Facebook”.