![](https://www.epokaere.com/wp-content/uploads/2022/09/osmani-10.jpg)
Osmani takon Stoltenbergun: Anëtarësimi i Kosovës në NATO dhe BE i kontribuon paqes në rajon
Presidentja e Kosovës, Vjosa Osmani dhe ministrja e Punëve të Jashtme dhe Diasporës, Donika Gërvalla – Schwarz, gjatë vizitës në Nju Jork, kanë takuar sekretarin e Përgjithshëm të NATO -s, Jens Stoltenberg.
Me këtë rast, Osmani ka thënë se Kosova është mirënjohëse për mbështetjen e vazhdueshme të NATO-s në ruajtjen e stabilitetit dhe paqes.
Sipas presidentes Osmani qëllimi strategjik i Kosovës mbetet anëtarësimi në komunitetin euroatlantik.
“Presidentja Osmani në takim me shefin e NATO-s, tha se anëtarësimi në Bashkimin Evropian dhe NATO do të kontribuojë në rritjen e sigurisë dhe stabilitetit në rajon dhe e cilësoi anëtarësimin në këtë organizatë, prioritet shtetëror të Kosovës, si një parakusht për sigurimin e paqes në rajon, ashtu edhe për promovimin dhe mbrojtjen e vlerave të përbashkëta”, ka njoftuar Presidenca e Kosovës.