Presidentja e Kosovës, Vjosa Osmani, ka uruar të gjithë besimtarët e krishterë festën e Krishtlindjes.

Në një postim në “Facebook”, presidentja ka shkruar ndër të tjera se kjo festë na frymëzon për një të ardhme me shpresë të pakufishme.

“Gëzuar për shumë mot Krishtlindjen! Kjo festë është frymëzim dhe mundësi reflektimi për fuqinë e shpresës, bujarisë dhe dashurisë. Uroj të gjithë besimtarët e krishterë për Krishtlindje me shumë dashuri, gëzim dhe paqe! Le të na frymëzojë kjo festë për një të ardhme me shpresë të pakufishme!”, ka shkruar Osmani.