![](https://www.epokaere.com/wp-content/uploads/2023/12/osmani-8.png)
Osmani viziton fëmijët në Klinikën e Onkologjisë
27 dhjetor 2023
| 17:01
Presidentja e Kosovës, Vjosa Osmani, ka vizituar fëmijët që janë duke u trajtuar në Klinikën e Onkologjisë.
Osmani ka shkruar në “Facebook” se puna e madhe e stafit shëndetësor i jep forcë prindërve dhe fëmijëve që janë duke u trajtuar në këtë klinikë.
“Si çdo fundvit, edhe sivjet vizituam më të vegjlit tanë në Klinikën e Onkologjisë dhe Kirurgjisë së Fëmijëve. Puna e jashtëzakonshme që bën stafi në këto klinika, jep shpresë e forcë për këta fëmijë dhe për prindërit e tyre që ndiejnë dhimbjen më të madhe të jetës së tyre. Mirënjohje e thellë për punën e gjithsecilit, duke ofruar jo vetëm shërbime mjekësore, por edhe dashuri e përkrahje të pafund!”, ka shkruar Osmani.