Kryetari i OVL UÇK – Dega Ferizaj, Afrim Mehmeti, priti sot në një vizitë uruese me rastin e Ditës së Veteranit dhe marrjes së detyrës vëllezërit e Dëshmorit të Kombit, Aziz Kelmendi – Hajrizin, Isakun dhe Besimin (Kryetar i Shoqatës “Nazmi Uksmajli” në Abensberg, Gjermani). Në këtë takim të veçantë morën pjesë edhe shokët e burgut të procesit të Paraqinit, Abdylxhemil Alimani dhe Rizah Xhakli, si dhe shoku Taxhedin Alimani. Vizita shënoi një moment përbashkimi dhe nderimi për ata që me sakrificat dhe veprat e tyre kanë dhënë një kontribut të jashtëzakonshëm për lirinë dhe pavarësinë e Kosovës.

Takimi u zhvillua në një atmosferë vëllazërore dhe të mbushur me respekt të ndërsjellë, duke kujtuar vlerat dhe idealet e përbashkëta që e mbajnë gjallë frymën e UÇK-së dhe luftës për liri.

Lavdi Dëshmorëve të Kombit dhe mirënjohje e përjetshme për të gjithë ata që kontribuan në lirinë tonë!