Ministri i Punëve të Jashtme, Behgjet Pacolli, ka bërë me dije se me një shpejtësi rekorde ka përfunduar projekti i ndërtesave me apartamente moderne, që do të ndërtohen në Thumanën e goditur nga tërmeti rreth tri javë më parë.

“Tani është çdo gjë gati për të filluar ndërtimi, i cili do të financohet komplet nga familja Pacolli”, ka shkruar ai në llogarinë e vet në “Facebook”.

Postimi i plotë i tij:

Të dashur miqtë e mi,

Me një shpejtësi rekorde përfundoi projekti i ndërtesave me apartamente moderne, që do të ndërtohen në Thumanën e goditur nga tërmeti rreth 3 javë më parë. Tani është çdo gjë gati për të filluar ndërtimi, i cili do të financohet komplet nga familja Pacolli, nëpërmjet fondacionit “Behgjet Pacolli”. Falënderoj të gjithë grupin që punuan në punët pregaditore dhe projektuese.