Nënkryetari i Komunës së Prishtinës, Selim Pacolli, ka reaguar ndaj gazetarit Graham Phillips, që bëri fushatë kundër Kosovës dhe Ushtrisë Çlirimtare.

Pacolli ka thënë se sikur ta kishte takuar atë rrugëve të kryeqytetit, së pari do ta kishte dërguar nëpër selitë e shoqatave të dala nga lufta për ta trajtuar me “kafe dhe terapi fizike”.

“Paska kaluar para Komunës së Prishtinës, por edhe sikur ta kisha parë, nuk do ta kisha njohur. Por sikur ta kisha njohur, fillimisht do ta kisha dërguar në selitë e shoqatave të dala nga lufta për ta gostitur me një ‘kafe’ e pastaj me një ‘terapi fizike’”. Edhe në ëndërr me iu pas shfaqur Kosova dhe UÇK-ja, i kishte shkuar temperatura në minus 20 gradë. Pastaj do ta kisha përcjellë deri në Merdare, prej andej nga ka ardhur”, ka shkruar Pacolli në profilin e vet në “Facebook”.

/Epoka e re/