Ministri i Punëve të Jashtme, Behgjet Pacolli, ka thënë se miratimi i statutit të “Trepçës” në Kuvend si shoqëri aksionare, do t’i hapë rrugë riaktivizimit të këtij gjiganti ekonomik.

Pacolli përmes një postimi në llogarinë e vet në “Facebook”, ka theksuar se tani me një statut të definuar, “Trepça” do t’i ketë dyert e hapura për investitorë vendorë dhe të huaj.

Postimi i plotë i tij:

Të dashur qytetarë të Mitrovicës,

Në orët e hershme të mëngjesit, Kuvendi i Kosovës aprovoi statutin e Trepçës si shoqëri aksionare që do ti hapë rrugë riaktivizimit të këtij gjiganti ekonomik. Me një statut të definuar, Trepça do të ketë dyert e hapura për investitorë vendorë dhe të huaj dhe përfundimisht do të përfundon keqpërdorimi 20-vjeçar i këtij aseti strategjik.

Tash është me rëndësi që së bashku të punojmë intensivisht në zhvillimin e kësaj ndërmarrje. Unë do të sigurohem që të punoj ngushtë me Ministrin Lluka për të përshpejtuar proceset zhvillimore në mënyrë që Mitrovica të bëhet përsëri qyteti kryesor ekonomik në Kosovë e rajon.

Përgëzoj Ministrin e Zhvillimit Ekonomik që vie nga radhët e AKR-së, Valdrin Lluka, për punën e palodhshme deri në përfundim të këtij procesi.

Urime Minatorë! Urime Kryetar Bahtiri! Urime tërë Kosovës!