Ministri në detyrë i Punëve të Jashtme, Behgjet Pacolli, ka takuar kryeministrin e Tajlandës, Prayut Chan-o-Cha.

Pacolli përmes një postimi në llogarinë e vet në “Facebook”, ka shkruar se edhe një herë u dëshmua se këto dy shtete kanë marrëdhënie të shkëlqyera.

“Kënaqësi për të shkëmbyer ide me kryeministrin e Tajlandës, Prayut Chan-o-Cha. Edhe njëherë dëshmuam se këto dy shtete kanë marrëdhënie të shkëlqyera. Miqësia jonë është e fortë dhe këtë vit hapëm Ambasadën tonë në Tajlandë për të forcuar më tej këto marrëdhënie. Kryeministrit tajlandez i shpreha gatishmërinë për të vizituar Bangkokin për të vazhduar bisedimet”, ka shkruar Pacolli.

/Epoka e re/