Lista “Guxo” sot do ta mbajë Kuvendin e saj zgjedhor ku pritet të zgjedhët udhëheqja e re.

E sot kësaj partie i është larguar deputetja Doarsa Kica-Xhelili, e cila i është bashkuar LDK-së.

Ministri i Bujqësisë, njëherësh zyrtar i lartë i Listës “Guxo”, Faton Peci, ka postuar një fotografi në llogarinë e vet në “Facebook” me presidenten Vjosa Osmani, e cila është themeluese e kësaj partie dhe ministren e Jashtme, Donika Gërvalla.

“Kush synon tjetërsimin apo kontrabandimin e vullnetit të qytetarëve, i bashkohet atyre që janë pjesë e erës së përfunduar në politikë”, ka shkruar Peci.

E këtë postim Peci e ka bërë pak orë para mbajtjes së Kuvendit të Listës “Guxo” dhe pas largimit të Doarsa Kica-Xhelilit nga kjo parti.