Një kandidat në zgjedhjet e Pakistanit është vrarë në një sulm vetëvrasës që ka plagosur disa persona.

Zyrtarët nga policia dhe spitali i kanë thënë shërbimit të “Radios Evropa e Lirë” se Ikramullah Gandapur që po garonte për ulësen në parlament, vdiq në spital nga plagët e marra.

Shoferi i tij po ashtu ka ndërruar jetë në një sulm vetëvrasës, raporton “Rel”.

Autoritetet kanë thënë se sulmuesi ka pasur për cak veturën e tij teksa po shkonte në një tubim elektoral.

Vëllai i viktimës ishte vrarë tri vite më parë nga një sulm vetëvrasës.