Që nga 11 prilli patën mundësi të aplikojnë. Deri të hënën, janë afro 34 mijë biznese e 140 mijë punëtorë, që dorëzuan të dhënat që të jenë përfitues nga pako emergjente.

Një numri tashmë u kanë dalë të hollat në llogaritë e tyre.

Derisa pjesa e tjetër, pritet të kompensohet, brenda këtyre ditëve.

Drejtori i ATK-së, Ilir Murtezi, ka njoftuar se deri më tani ka pasur një numër kërkesash për përmirësim gabimesh që kanë bërë bizneset.

Ndërkohë, nga Ministria e Financave thonë se numri i aplikueseve të skemës në përgjithësi nuk ka kaluar pritshmëritë, raporton “T7”.

Të paktën kështu thotë zëvendësministri në detyrë i Financave dhe Transfereve Agim Krasniqi, i cili shton se dallime pati në kategori të caktuara.

Numri i familjeve pjesë e skemës sociale, po del më i madh se sa janë shifrat.

Krasniqi tutje ka folur, edhe për nevojën e pakos për rimëkëmbje ekonomike.

Ndërsa, sa i përket vlerës prej 100 euro shtesë për shujtë, që ishte kërkuar nga Sindikata e Policëve të Kosovës, sipas Krasniqit nuk do të aprovohet.

(M. Q / Epoka e re)