Zëvendësndihmëssekretari i Shtetit të ShBA-së, Matthew Palmer ka arritur në Kosovë derisa është bërë me dije  se i njëjti do të qëndrojë në vend për vizitë tri ditore në Prishtinë.

Ambasada amerikane në Prishtinë përmes një shkrimi në profilin zyrtar në “Twitter” ka njoftuar për arritjen e Palmerit.

Të njëjtit kanë thënë se Palmeri është pritur nga ambasadori amerikan në Prishtinë, Philip Kosnett.

“Ambasdori Kosnett ka mirëpritur këtë mëngjes në Ambasadën amerikane në Prishtinë zëvendësndihmësseketetarin e Shtetit të ShBA-së që do të qëndrojë në një vizitë tri ditore në Kosovë”, ka njoftuar Ambasada e ShBA-së.