Mesfushori i Chelseat, Cole Palmer këmbëngul se nuk ka asnjë arsye për panik pas humbjes të pësuar në shtëpi kundër Fulhamit.

Palmer kaloi në avantazh Chelsean përpara se Cottagers të godisnin dy herë në minutat e fundit për të siguruar një fitore 2-1 me përmbysje.

“Ne e dinim se nuk mund të fitonim çdo ndeshje. Është sezoni i parë i Enzo Maresca këtu dhe ne ende po mësojmë”, tha Palmer.

“Të gjithë kemi thënë se nuk do të jemi pretendentë për titull këtë sezon. Por po, humbja dhemb. Ne ishim në avantazh për një kohë të gjatë, kështu që humbëm gjithçka në fund, është padyshim e vështirë”.

Cole Palmer mbetet një nga lojtarët më të spikatur këtë sezon tek “Blutë” falë performancave të tij tepër pozitive, duket qenë një nga lojtarët kyç të londinezëve.