Shtetet e Bashkuara të Amerikës (ShBA) së shpejti do të rikthehen në procesin e dialogut në mes të Kosovës dhe Serbisë me kapacitete të plota.

Shumë shpejt pritet që të emërohet i dërguari i posaçëm i Uashingtonit për këto bisedime, raporton “Novosti”.

Sipas disa burimeve diplomatike, në këtë pozitë pritet që të emërohet Matthew Palmer ose Molly Montgomery.

Palmer është i angazhuar në rajon si zëvendësndihmëssekretar i Shtetit të ShBA-së dhe si përfaqësues i posaçëm i ShBA-së në Ballkanin Perëndimor.

Ndërsa Montgomery së fundmi është emëruar në pozitën e zëvendësndihmëssekretare e Shtetit për Evropë dhe Euroazi.

Deri para zgjedhjeve për president të ShBA-së, pozitën e të dërguarit të posaçëm të ShBA-së për dialogun Kosovë-Serbi e ka mbajtur Richard Grenell.