Në një aksident madhor ku u përfshinë rreth 40 vetura dhe pesë kamionë në Hungari është lajmëruar edhe për një person të vdekur, njoftuan të shtunën mbrëma median hungareze.

Sipas të dhënave të disponueshme, më 11 mars 2023, rreth orës 14:25, pesë kamionë dhe afro 40 makina janë përplasur në kilometrin e 26 të autostradës M1, në krahun që del nga kryeqyteti hungarez.

Sipas të dhënave parësore, në aksident janë djegur 19 automjete, si dhe kanë mbetur të lënduar gjithsej 26 persona, nga të cilët 6 persona kanë pësuar lëndime të rrezikshme për jetën dhe 7 persona kanë pësuar lëndime të rënda, njofton policia hungareze në ueb faqen e saj.