Rrjeti i veshjeve në SHBA, “Gap Incorporation” po shpejton prodhimin e robotëve të magazinave për paketimin e porosive “online”, kështu që mund të kufizojë kontaktin njerëzor gjatë pandemisë së koronavirusit.

Gap arriti një marrëveshje në fillim të këtij viti për të trefishuar numrin e robotëve që përdor në 106 brenda vjeshtës. Por, më pas pandemia goditi Amerikën e Veriut duke e detyruar kompaninë që të mbyllë të gjitha dyqanet në këtë rajon, përfshirë ato të “Banana Republic”, “Old Navy” dhe marka të tjera. Ndërkohë, magazinat e saj u përballën me një fluks porosish në internet, por pak staf për t’i përmbushur ato për shkak të rregullave të distancës sociale që Gap kishte vendosur.

Kështu, në muajin mars, një nga drejtuesit e shoqërisë thërriti për ndihmë furnizuesin e tij me robotët “Kindred AI”.

“Lidershipi i Gap na telefonoi dhe programuam një takim për të diskutuar mënyrat se si duhet të shpejtonim prodhimin e robotëve të planifikuar më parë për zgjerimin”, deklaroi shefi operativ i “Kindred”, Marin Tchakarov.

Furnizmi në kohë me pjesë për stacionet robotike me 6 këmbë nuk ishte i thjeshtë, por as ekonomik, tha Tchakarov.

Kompani si Gap apo Amazon kanë përdorur prej kohësh sisteme të tilla për një sërë detyrash si lëvizja e sendeve në magazinë nga një kat në tjetrin. Teknonologjia e re është e aftë të ekzaminojë disa role të arkëtimeve, paketimin e kutive apo mbledhje të sendeve që punëson miliona punëtorë në SHBA, ndërsa pandemia po u jep mundësinë shitësve ta bëjnë çështje të tyre.

Firma “RightHand Robotics” për shembull, ka ndihmuar klientin e saj Walmart Inc të menaxhojë më shumë porosi në internet përmes përdorimit më të madh të makinerive të cilat u implementuan në struktura të ndryshme të punëve zinxhir, konfirmoi një person i familjarizuar me këtë çështje. Vince Martinelli, drejtuesi i produkteve dhe marketingut RightHand, nuk pranoi të komentojë vendosjen, duke u munduar ta kalonte në një çështje të përgjithshme.

Nëse do të keni njerëz të kufizuar në ndërtesë, gjëja e fundit që dëshironi të bëjnë ata është një detyrë e thjeshtë që mund të automatizohet. Target corp. do të lançojë robotikën brenda verës për të shpejtuar rimbushjen e qindra dyqaneve në të gjithë SHBA-në, deklaroi kjo kompani në muajin mars. Tashmë, ajo ka zgjeruar përdorimin e automatizimit të firmës Berkshire grey gjatë pandemisë, deklaroi në kushtet e anonimatit një person i njohur për këto lloj operacionesh.

Berkshire Grey, i cili refuzoi komentin mbi klientët Kindred dhe RightHand, i tha Reuters se ata po shohin një rritje të kërkesave nga klientët e ardhshëm të shitjes me pakicë, megjithëse kufizimet e udhëtimit dhe nevoja për të kufizuar kontaktin njerëzor bëjnë instalimet e reja një sfidë.

Interesi nuk është befasues: studiuesit nga Instituti Brookings kanë thënë që pjesët e automatizmit shpesh ndjekin tronditje ekonomike, një fenomen që ata presin të shohin duke filluar me rënien e shitjeve me pakicë.

“Në këto momente, punëdhënësit i mbyllin derën punëtorëve më pak të kualifikuar. Ata i zëvendësojnë me teknologji dhe punëtorë më të kualifikuar, gjë që rrit produktivitetin e punës në një recesion”, thuhet në raportin e muajit mars.

Presioni për t’i bërë rrjetet e shpërndarjes më efikase ka të ngjarë të rritet për shitësit me pakicë për shkak të problemeve të tyre financiare gjatë pandemisë. Gap muajin e kaluar tha që përballet me një mungesë likuiditeti, duke bërë që ajo të marrë hua 2,25 miliardë dollarë. Tre të katërtat e të ardhurave në vitin e fundit fiskal erdhën nga mbi 3 300 dyqane fizike, shumica e të cilave janë mbyllur për javë të tëra.

Ndërsa Gap ka mbajtur të hapura dyqanet në Kinë dhe ka filluar rihapjen e 800 të tjerëve këtë muaj, funksionimi i tregtisë elektronike ka qenë një rrugë shpëtimi për shitjet. Drejtuesi i saj Kuntz tha që rritja e porosive në internet nënkupton që robotët ishin të nevojshëm, të shpejtë, për të kursyer stafin e shpërndarjes nga nevoja për të punuar në afërsi. Nevoja e këtyre objekteve për hapësira në dhomë ishte e vogël, këmbënguli ai.

Gap, me qendër në San Francisco, nuk zbuloi kushtet financiare të marrëveshjes së tij me Kindred, ose pagën bazë të tij për stafin. Kompania tha se ka rreth 8 000 punonjës të magazinave, të cilët po marrin paga më të larta dhe largohen për shkak të krizës shëndetësore. Gjithçka vjen nga kufizimi i numrit të tyre në ambiente për shkak të udhëzimit shëndetësor në SHBA. Mallrat të ardhura nga karrocat e mëdha të arkëtimit në internet bien poshtë në një grykë dhe më pas në një vaskë të madhe që është pjesë e një prej makinave. Duke përdorur inteligjencën artificiale, një krah robotik më lart zgjedh secilën njësi përmes thithjes dhe një kontroll fizik, skanon kodin e tij dhe e vendos atë në një kosh tualeti aty pranë. Sapo të futen të gjitha sendet e porositura të një klienti, një punëtor vendos koshin në një transportues për paketim dhe dorëzim.

Kindred, me zyrat qendrore në San Francisco dhe Toronto, është një nga startup-et e shumta që shesin robotë inteligjentë artificialë që synojnë të kuptojnë pothuajse çdo send në mënyrë të shpejtë dhe pa i thyer. Qindra mijëra punëtorë të shitjes me pakicë të SHBA-së kryejnë këtë detyrë dhe Shefi Ekzekutiv i Amazon, Jeff Bezos, ka thënë se teknologjia është vite larg nga zhvendosja e tyre. Megjithatë, shitësit me pakicë mund të përdorin robotë për të seleksionuar grupe të veçanta të produkteve.

Pandemia ka qenë një “katalizator masiv” për automatizimin, me Tchakarov që e quan të paprecedentë kërkesën e fundit. “Shikoni, ne e gjejmë veten të futur në mes të kësaj vëmendjeje të madhe në këtë kryqëzim midis niveleve të nivelit të lartë të komisioneve në rritje, të pashembullt përsa i përket transaksioneve. Dhe nga ana tjetër, kërkesa e shumë palëve të interesuara për realizimin e mjeteve të automatizuara të cilat janë të fuqishme dhe të shpejta”, thotë ai.

Kindred dhe Gap deklaruan se synojnë që teknologjia të plotësojë punëtorët, jo t’i zëvendësojë ata. Në magazinat e saj, Gap ka ende kërkesa për punësimet e reja, por edhe për makina të tilla të fuqishme. Gjithashtu, të reja.