Në botën tonë gjithnjë e më të lidhur, të dhënat fuqizojnë pothuajse gjithçka që bëjmë. Ato ndikojnë në mënyrën se si ne kërkojmë, blejmë dhe shfaqemi në internet, madje ndikon edhe në mënyrën se si funksionojnë pajisjet tona. Ndërsa njerëzit po bëhen më të vetëdijshëm për nevojën për të mbrojtur informacionin e tyre personal, ata po kuptojnë gjithashtu se është një element i vlefshëm që mund të përdoret për të përmirësuar përvojat e tyre në internet. Kërkimet e fundit zbuluan se mbi gjysma (53%)¹ e konsumatorëve globalë besojnë se shkëmbimi i të dhënave është i rëndësishëm për mbarëvajtjen e shoqërisë. Pothuajse po aq (47%)1 janë të lumtur të ndajnë të dhëna me bizneset në këmbim të një përfitimi të qartë.

Në përputhje me këtë, përdoruesit e Samsung Galaxy mund të vendosin se kush i shikon të dhënat e tyre dhe si ato përdoren. Si pjesë e përditësimit më të fundit të One UI 5, Paneli i Sigurisë dhe Privatësisë (Security and Privacy Dashboard) në pajisjet Galaxy është përmirësuar për ta bërë edhe më të lehtë menaxhimin e sigurisë së të dhënave.

Menytë e sigurisë dhe të mbrojtjes së informacionit personal janë ndërthurur, duke informuar përdoruesit për informacionin që mund të jetë në rrezik. Artikujt që mund të kenë ndikimin më të madh në sigurinë digjitale – duke përfshirë Lock Screen, Accounts, SmartThings Find, App Safety – tani janë të aksesueshme menjëherë në krye të panelit, dhe sinjalizimet intuitive: të kuqe, të verdha ose jeshile, shfaqin probleme të mundshme dhe tregojnë qartë nëse ka çështje që cënojnë sigurinë.

(Video: https://www.youtube.com/watch?v=DwBJkvB8EtA)

Kur bëhet fjalë për mbrojtjen e informacionit personal, mbajtja e skedave për lejet e aplikacioneve është një nga mënyrat më të thjeshta për të siguruar që të dhënat tuaja të mos shpërndahen pa e ditur. Këtu janë katër leje të rëndësishme që i ndihmojnë përdoruesit të rimarrin data sharing me vetëm disa klikime të shpejta në pajisjet e tyre Galaxy:

Menaxhimi i reklamave: Blerjet në internet janë më të njohura se kurrë dhe me kaq shumë platforma dhe aplikacione, reklamat bëhen shumë bezdisëse. Blerësit e zjarrtë që preferojnë të mos humbin mes reklamave dhe të shmangin rekomandimet e padëshiruara, mund të shkojnë te Paneli i Sigurisë dhe Privatësisë, të klikojnë në skedën “Privatësia”, më pas të shkojnë te menyja “Ads” dhe të zgjedhin “Delete AD ID.”

Kontrolloni lejen e aksesimit të mikrofonit dhe të kamerës: Përdoruesit e Galaxy mund të zgjedhin saktësisht se sa nga të dhënat e tyre mund të aksesohen nga një aplikacion specifik. Lojtarët, për shembull, shpesh kanë nevojë të komunikojnë me të tjerët gjatë lojës. Megjithatë, nëse një përdorues zbulon se një aplikacion lojrash mund të aksesojë mikrofonin e pajisjes gjatë gjithë kohës, ai mund të rregullojë preferencat e tij në lidhje me mikrofonin dhe kameran te menyja e Privatësisë brenda Panelit të Sigurisë dhe Privatësisë.

Menaxhoni me lehtësi shërbimet e bazuara në vendndodhje: Vendndodhja është një nga pikat kryesore që përdoruesit duan ta kontrollojnë, pasi gjithnjë e më shumë aplikacione përdorin shërbime të bazuara në vendndodhje. Ndërsa aplikacionet e panumërta vazhdojnë të mbajnë skeda për vendndodhjen e përdoruesve, menyja e Privatësisë brenda Panelit të Sigurisë dhe Privatësisë i lejon njerëzit të shohin se cilat aplikacione kanë gjurmuar vendndodhjen e tyre në 24 orët e fundit. Kjo u jep atyre mundësinë për të zgjedhur shpejt një cilësim të ri, si p.sh. ndarja e vendndodhjes vetëm kur përdorin një aplikacion ose asnjherë. Duke ndërruar cilësimet bazuar në preferencat individuale, përdoruesi mund të çaktivizojë gjurmimin e saktë të vendndodhjes, duke lejuar vetëm gjurmimin e përafërt.

Mbani të përditësuara preferencat e aplikacioneve tuaja: Shumë aplikacione shkarkohen për raste specifike dhe më pas lihen të instaluara dhe të papërdorura për periudha të gjata kohore. Shpesh, njerëzit nuk e kuptojnë se këto aplikacione mund të vazhdojnë të gjurmojnë të dhënat dhe aktivitetin e tyre muaj pas instalimit, pavarësisht nëse janë në përdorim apo jo. Për të parandaluar që aplikacionet të kenë akses në më shumë të dhëna sesa duhet, pajisjet Galaxy do të mbrojnë në mënyrë proaktive privatësinë e përdoruesve duke hequr lejet nga aplikacionet që nuk janë përdorur për një kohë të caktuar. Nëse përdoruesit duan të rivendosin lejet, Paneli i Sigurisë dhe Privatësisë ju vjen në ndihmë në çdo kohë.

Për të ndejkur ritmin e botës në zhvillim ndërsa jetët tona bëhen më të përqendruara rreth përdorimit të të dhënave, Samsung do të vazhdojë t’i japë përparësi sigurisë dhe privatësisë së përdoruesve. Samsung do të sigurojë që përdoruesit e Galaxy të mund të menaxhojnë të dhënat sipas preferencave të tyre, duke i fuqizuar ata të lundrojnë lehtësisht në një botë gjithnjë e më të drejtuar nga të dhënat.