Papa Françesku ka treguar se kryeministri hungarez, Victor Orban, i ka thënë atij kur janë takuar në fund të prillit se, presidenti rus, Vladimir Putin planifikon t’i japë fund pushtimit të Ukrainës më 9 maj, “Ditën e Fitores” së Rusisë, shkruan “CNN”.

“Orban, kur e takova, më tha se rusët kanë një plan, se gjithçka do të përfundojë më 9 maj. Kjo do të shpjegonte gjithashtu shpejtësinë e përshkallëzimit të këtyre ditëve. Sepse tani nuk është vetëm Donbasi, është Krimea, është Odesa, po heq portin e Detit të Zi nga Ukraina, është gjithçka”, është shprehur Papa në një intervistë, shkruajnë mediat e huaja.

Më tutje, ai ka thënë se nuk ka vullnet të mjaftueshëm për paqe.

“Unë jam pesimist, por duhet të bëjmë çdo gjest të mundshëm për të ndaluar luftën”, ka thënë Papa.

Papa Françesku ka përsëritur deklaratat e mëparshme se është gati të udhëtojë në Moskë për t’u takuar me Putinin dhe e ka krahasuar luftën në Ukrainë me gjenocidin në Ruandë.

“Ne nuk kemi marrë ende një përgjigje dhe ne vazhdojmë të këmbëngulim, edhe nëse kam frikë se Putini nuk mund dhe nuk dëshiron ta ketë këtë takim tani. Por kaq brutalitet, si mund të mos e ndaloni? Njëzet e pesë vjet më parë ne përjetoi të njëjtën gjë me Ruandën”, ka thënë Papa Françesku.

Papa ka thënë se ai nuk do të udhëtojë në Kiev për momentin, në vend të kësaj të dërgojë një përfaqësues.

“Së pari duhet të shkoj në Moskë, së pari duhet të takoj Putinin. Por edhe unë jam prift, çfarë mund të bëj? Do të bëj çfarë të mundem. Nëse Putini hapi derën”, ka thënë ai.