Kryetari i Lidhjes Demokratike të Kosovës (LDK), Lumir Abdixhiku, do të zhvillojë sot (e hënë) një takim me anëtarët e kryesisë së kësaj partie.

Lajmi është konfirmuar nga anëtari i  Kryesisë së LDK-së, Gazmend Muhaxheri.

Ai ka thënë se takimi do të zhvillohet nga ora 14:00, ku edhe do të diskutohet për letrën e presidentes Vjosa Osmani dhe ftesës për takim në orën 17:00.

“Takimi i kryesi do të mbahet në ora 14:00, ku do të diskutohet letra e presidentes. Unë personalisht nuk jam pro shtyrjes së zgjedhjeve, sepse nuk ka arsyeje me u shty, por për këtë do të diskutojmë në parti dhe do ta marrim një vendim”, ka thënë Muhaxheri.