Naser Ramadani, drejtor i Institutit të Shëndetit Publik u ka bërë thirrje qytetarëve që të qëndrojnë në shtëpi në mënyrë që të mundet me sa më pak pasoja pandemia e Covid-19.

“Situata epidemiologjike deri më sot paraqitet në kontroll duke pasur parasysh se tashmë kemi 145 raste pozitive nga 1963 raste të testuara”, ka theksuar Ramadani.

“Kemi hyrë në një etapë të re në të cilën ne po bëjmë përpjekje që të ndalim numrin e rasteve pozitive, që të trajtohen sa më shumë individë që paraqiten në Klinikën Infektive dhe të ketë sa më pak viktima”, ka thënë Ramadani në një intervistë të televizionin publik të Kosovës.

“Duke pasur parasysh shpërthimet epidemike dhe pandemike në botë, ne në Kosovë kemi hyrë tashmë në një etapë tjetër, tre javësh që mund të jetë tepër e rrezikshme andaj edhe masat të cilat i kemi marrë ne me kohë dhe të cilat po zbatohen dhe disa të tjera të cilat duhet edhe të shtohen në vazhdim do të jenë të mundshme të parandalojmë sëmundjen duke pasur parasysh këtu kontributin e madh të qytetarëve dhe të çdo individi të Republikës së Kosovës”, ka thënë ai.

Sipas Ramadani,t numri i testeve të kryera është i mjaftueshëm.

“Testet janë të mjaftueshme krahas indikacioneve epidemiologjike”, ka deklaruar Ramadani.