Njësitë e Doganës së Kosovës vlerësojnë se kanë pasur një javë të suksesshme në parandalimin e gjashtë rasteve të kontrabandimit.

Fillimisht në Mitrovicë njësitet e Antikontrabandës të Doganës së Kosovës, në bashkëpunim me Policinë e Kosovës, kanë arritur të identifikojnë dhe ndalojnë një automjet transportues i cili ishte duke transportuar 1 500 litra vaj ushqimor të kontrabanduar nga Serbia përmes rrugëve ilegale.

“Në regjionin e Prizrenit  gjatë kontrollit te një ngarkese është vërtetuar se malli badema nuk ka dokumentacion mbi prejardhjen e mallit. Sasia ishe rreth 680 kg.

Në regjionin e Mitrovicës janë regjistruar tri raste të kontrabandimit të mallrave. Është parandaluar futja e mallrave  si në vijim: Rasti 3: 450 litra pije jooalkoolike, rasti 4: 2 000 copë mikro kabllo telefona: Rasti 5: 10 800 copë vezë të freskëta.

Në rastin e fundit dogana ka arritur të parandalojë një automjet të dyshimtë i cili ishte duke transportuar mallra të kontrabanduar nga Serbia, 70 pako çokollata”, njofton dogana.

Sasia e përgjithshme e mallrave të konfiskuara kalon 6 000 mijë kilogramë dhe të gjitha mallrat janë konfiskuar si dhe ndaj personave përgjegjës ka filluar procedura kundërvajtëse”.