Me vitin 2019 e cila është drejt fundit, natyrshëm lind pyetja si do të jetë ky vit i ri pasues. Epo një përgjigje për këtë pyetje që shqetëson miliona persona në rruzullin tokësor e ka një zgjidhje horoskopi. Referuar yjeve dhe planetëve, ja si do të jetë horoskopi i vitit të ardhshëm 2020 për shenjat përkatëse:

Dashi

Nuk do të kaloni ndryshime shumë të mëdha vitin e ardhshëm. Për personat e kësaj shenje më shumë do të jetë një vit subjektiv, pra me ide jo të qarta dhe me vizion të zbehtë për të ardhmen. Do të kaloni shumë kohë vetmie për të reflektuar për drejtimin e ri që do të marrë jeta juaj në spektrin e dashurisë. Një gjë është e sigurt nuk do të hidhni asnjë hap drastik me efekte afatgjata.

Demi

Viti i ri do të vijë me shumë ndryshime në jetën tuaj. Edhe pse ndoshta nuk jeni mësuar me ndryshime qëndroni krejtësisht të qetë, ndryshimet do të kryeni do të jenë vetëm pozitive. Do të hidhni hapa të konsoliduar drejtë së ardhmes duke ju bërë të lumtur për një periudhë të gjatë kohore.

Binjakët

Çështjet romantike nuk do të jenë në favorin tuaj në këtë vit, do të jetë një vit zhgënjyes në dashuri të shoqëruar me tradhti dhe shumë lot. Por përpiquni që të merrni çdo gjë me sportivitet dhe mos të shqetësoheni për të papriturat që sjell jeta, por këto sfida dhe dështime do t’ju bëjnë më të fortë dhe do t’ju rrisin vetëbesimin për të ardhmen.

Gaforrja

Nëse ende nuk e keni zyrtarizuar angazhimin tuaj në një marrëdhënie me dikë, atëherë ky do të jetë i duhuri për ju. Për personat e kësaj shenje do të jetë një vit me shumë fat, si në marrëdhënie pune por edhe në aspektin sentimental, është viti i duhur që universi të pajtohet me ju.

Luani

Nëse në vitin që po vjen ju do të bini në dashuri, do të jetë një sfidë e vërtetë për ju. Urtësia dhe përulësia juaj do të vendoset në provë. Nuk mund të presësh të gjesh sukses në dashuri, ku ju do ti keni marrëdhëniet e tensionuara me pjesën tjetër të botës.

Virgjëresha

Në 2020 do të gjeni një vendosmëri për tu admiruar për mënyrën sesi do ti zgjidhni gjërat. Do të jeni në gjendje të merrni vendime të rëndësisë madhore. Do të fitoni një siguri të madhe për gjërat që dëshironi dhe që kërkoni nga vetvetja por edhe nga të tjerët.

Peshorja

Do të keni një ndryshim të jetës suaj në çdo aspekt. Këto ndryshime nuk do të jenë të jashtme por ata do të ndodhin me ju dhe brenda jush. Mund të jenë në të mirën tuaj ose në të keqen, kjo gjë pritet të zbulohet. Por ajo që dihet është që me personat e kësaj shenje do të kenë një ndryshim të rrënjësishëm.

Akrepi

Do të krijoni një rrugë të re kur bëhet fjalë për jetën tuaj të dashurisë. Mund të rrezikoni që të shkoni drejtë një ndarje nga një lidhje shumë e gjatë dashurore. Nëse jeni akoma beqarë, atëherë mund të prisni që gjërat të ndryshojnë ndjeshëm për ju.

Shigjetari

Do të jeni mjaft të frymëzuar dhe të motivuar sa kurrë më parë për të gjetur sukses në jetën tuaj romantike në këtë vit. Si rezultat do të tërhiqni shumë energji pozitive ndaj vetvetes. Ekziston një arsye që ju të jeni akoma të ngazëllyer.

Bricjapi

Ju nuk do të pësoni shumë ndryshime vitin e ardhshëm, dhe do ta shijoni në maksimum atë. Ky vit që do të vijë do të qëndrojë gjatë në memorien tuaj, si një ndër vitet më të mirë. Nuk do të pësoni shumë ndryshime në dashuri por gjithçka do të jetë konstante.

Ujori

Do ta lini shumë veten pas dore dhe nuk do t’i kushtoni shumë rëndësi jetës tuaj. Marrëdhënia dashurore që keni nisur do të ketë një rrugë të shkurtër. Dhe kur gjithçka do të duket se do të shkoj keq, do të ketë një fije shprese për ju. Do të jetë puna aspekti që do t’ju ndryshojë jetën dhe do të bëjë mrekulli për përvojën tuaj të përgjithshme.

Peshqit

Ju do të përballeni me shumë telashe në jetën tuaj vitin e ardhshëm. Por mbi të gjitha këto sfida do t’ju shërbejnë që ju të rriteni. Me tolerancë dhe mirëkuptim gjithçka do të shkojë në rrugën e duhur. Personat që janë në një lidhje do të keni nevojë të kalojnë shumë kohë me partnerin. Vetëm në këtë mënyrë mund ti përballoni të papriturat që mund t’ju vijnë.