Prishtina Weather ka njoftuar se gjatë ditëve të ardhshme do të ketë përkeqësim të motit, me vranësira, erë e kohë pas kohe edhe me reshje shiu. Gjatë fundjavës do të ketë rënie të temperaturave. Në vise kodrinoro-malore mund të bjerë edhe borë.

Do të mbajë mot kryesisht me vransira dhe erë, kohë pas kohe priten edhe të reshura shiu, paksa më intensive mund të jenë në viset malore në perëndim të vendit.  Të premten dhe të shtunën të shoqëruara edhe me bubullima. Me rënie të temperaturave gjatë fundjavës, reshje bore mund të priten përgjatë viseve kodrinoro-malore.

Depërtime të koncentrimeve të pluhurit saharian do të ndikojnë edhe në cilësinë e ajrit që mbajnë indeksin në vlera të dobëta ditën e enjte dhe të premte. Nga mbrëmja e së premtes dhe ditën e shtunë, cilësia e ajrit mund të shënojë përmirësim me indeks që mbetet më shumë në vlera të pranueshme.

1.04 – Kryesisht me vransira dhe erë. Kohëpaskohe me reshje lokale shiu, pasdite të shoqëruara edhe me bubullima.  Ditën do të ketë edhe intervale me diell.

2.04 – Kryesisht me vransira dhe erë.  Ditën intervale me diell.  Pasdite reshje lokale shiu, me mundësi edhe për bubullima.  Në vise malore borë.

3.04 – Më ftohtë, me vransira të ndryshueshme dhe intervale me diell gjatë ditës.  Pasdite priten edhe reshje lokale shiu, e më vonë viseve kodrinoro-malore me mundësi edhe për reshje të dobëta bore.

4.04 – Ftohtë, kryesisht me vransira.  Në mbrëmje mundësi për riga lokale shiu.

Temperaturat mbesin të larta fillimisht, me minimale deri në 9C, që në fundjavë zbresin edhe në 0C e 1C.  Temperaturat maksimale zbresin nga 18C në 10C e 8C, ditën e diel e të hënë.

Erërat do të jenë më të fuqishme këtyre ditëve, me shpejtësi 7-17m/s, e përreth viseve malore me hove edhe mbi 20m/s (70km/h).

Shtypja atmosferike zbret thellë nën vlera normale.