“Paraja nuk sjell gjithmonë lumturi”. Kështu shprehet Paris Hilton,  e cila njihet për jetën luksoze mes festave të ndryshme, e pushimeve në vendet më të bukura.

Në një intervistë për “People”, Paris ka rrëfyer për jetën e saj në Nju Jork, arratisjet e vazhdueshme, dashurinë për jetën e natës dhe vendimin e prindërve për ta transferuar atë në konvikt.

“Duhej të ishte një shkollë por nuk ishte e tillë. Punonjësit në konfikt dhe në shkollë më thoshin gjëra të tmerrshme që më bënin të ndihesha në siklet me veten time. Mendoj që qëllimi i tyre ishte që të na shkatërronin. Kujdestarët në konvikt ishin të dhunshëm fizikisht më rrihnin, donin të ngjallnin frike te ne”, ka treguar Paris Hilton.