Frika nuk kalon lehtë për parizienët. Të ulur nëpër kafenetë e hapura në Paris, ata shijojnë ndonjë pije apo kafe por asgjë nuk është si më parë.

Kafenetë dhe restorantet kanë tani rregulla të reja për uljen, për procedurat e pastrimit dhe higjenizues duarsh shihen nga të hedhësh sytë.

“Sigurisht që jam e trembur – thotë një banore e parisit. Por, në moshën tonë, nuk na ka mbetur edhe shumë kohë, ndaj të gjendemi përsëri mes njerëzish është një gëzim i madh”.

Shumë njerëz kanë shprehur çlirim kur baret dhe kafenetë e Parisit u hapën sërish. Tani, tarracat e tyre janë të mbushura plot.

Por ndërsa qyteti duket se po kthehet në jetë pas muajsh koma sociale dhe ekonomike, shumë gjëra kanë ndryshuar.

     Tani, shumë parizienë, veçanërisht ata të pasurit, mendojnë të largohen nga qyteti, të vendosen në rrethina, siç edhe bënë gjatë izolimit.

Kjo mund të sjellë përfitime për qytezat e vogla, në një vend ku Parisi, ka dominuar tradicionalisht ekonominë franceze.

Por sa do ta dëmtonte kjo kryeqytetin. Parisi është si një feniks, ai do të ringrihet përsëri. Nuk është vetëm një qendër ekonomike, ai ka një botë romantike, imagjinare.

Ka imazhin e kryeqytetit të dashurisë dhe romancës, imazh ky që nuk është dëmtuar. Por, për njerëzit që jetojnë në të, është një histori tjetër…