Marrëveshja e mbështetur nga kryeministrja Theresa May për daljen e Britanisë nga BE-ja, është kundërshtuar nga një shumicë e deputetëve.

Kundër marrëveshjes kanë votuar 391 deputetë, ndërsa pro saj kanë votuar 242.

Pas këtij votimi kryeministrja britanike, Theresa May, ka thënë se qeveria e saj, të mërkurën, do ta dërgojë një mocion në parlament në mënyrë që ligjvënësit të vendosin nëse do të mbështesin braktisjen e BE-së më 29 mars pa një marrëveshje.

Bashkimi Evropian ka paralajmëruar gjatë ditës se nëse marrëveshja për Brexit-it hidhet poshtë nuk do të ketë shans të tretë.

Votimi i së martës ishte një goditje për Theresa May dhe kërcënon pozitën e saj si kryeministre.

/Epoka e re/