Verkhovna Rada, parlamenti i Ukrainës, ka miratuar ligje që miratojnë dekretet presidenciale për të zgjatur ligjin ushtarak dhe një mobilizim të përgjithshëm në Ukrainë.

Sipas mediave të huaja, përcjell Telegrafi, një afat i tillë është shtyrë për 90 ditë nga 16 nëntori deri më 14 shkurt 2024.

Deputeti i Partisë Holos, Yaroslav Zhelezniak, e ka bërë të ditur këtë në Telegram, transmeton Ukrinform.

Ai saktësoi se 329 ligjvënës kishin votuar për projektligjin nr. 10211 për të zgjatur ligjin ushtarak në Ukrainë dhe 322 deputetë kishin mbështetur projektligjin nr. 10212 për të zgjeruar një mobilizim të përgjithshëm në vend.

Ndryshe, më 24 shkurt 2022, Federata Ruse nisi pushtimin e saj në shkallë të plotë të Ukrainës.

Në të njëjtën ditë, në vend u vendos gjendja ushtarake dhe u shpall mobilizimi i përgjithshëm deri më 26 mars.

Më pas, periudha e gjendjes ushtarake dhe mobilizimit të përgjithshëm u zgjat nga parlamenti deri më 25 prill, 25 maj, 23 gusht, 21 nëntor 2022, si dhe deri më 19 shkurt, 20 maj, 18 gusht dhe 15 nëntor 2023.