Partia e presidentit të Ukrainës, Volodimir Zelensky, ka fituar shumicën në zgjedhjet e parakohshme parlamentare, duke shënuar kështu konsolidimin e fuqisë së tij politike.

Sondazhet tregojnë se partia “Shërbyes i Popullit” do të ketë shumicën në parlament, por do të ketë nevojë për një partner koalicioni, për të formuar qeverinë.

Zelensky është zotuar të zbatojë reforma dhe të luftojë korrupsionin.

Presidenti i ri i Ukrainës, Volodymyr Zelensky, shpalli zgjedhjet e parakohshme parlamentare gjatë ceremonisë së inaugurimit të tij, në muajin maj.

Zgjedhjet kanë qenë të parapara për tetor të këtij viti, por Zelensky ka njoftuar shpërbërjen e Parlamentit. Ukraina ndodhet tash e sa vite në konflikt.

Luftimet midis forcave qeveritare dhe separatistëve në lindje të Ukrainës kanë nisur qysh në vitin 2014 dhe kanë marrë mbi 13,000 jetë njerëzish.

Zelensky, ish-komedian, i njohur më së shumti për rolin e tij si president në një emision televiziv, ka fituar zgjedhjet presidenciale të mbajtura më 21 prill, me më shumë se 73 për qind të votave të fituara.