Komisioni Qendror i Zgjedhjeve ka njoftuar se është duke pritur aplikimet për akreditimin e vëzhguesve për zgjedhjet e parakohshme për Kuvendin e Republikës së Kosovës, të cilat do të mbahen më 14 shkurt 2021.

KQZ-ja ka bërë me dije se afati për akreditimin e vëzhgueseve të subjekteve politike përunfdon më 5 shkurt, ndërsa i medieve më 9 shkurt.

Njoftimi i plotë i KQZ-së:

Komisioni Qendror i Zgjedhjeve njofton se është duke pritur aplikimet për akreditimin e vëzhguesve për zgjedhjet e parakohshme për Kuvendin e Republikës së Kosovës, të cilat do të mbahen më 14 shkurt 2021.

-Afati për aplikim për akreditim të vëzhguesve të subjekteve politike përfundon më 5 shkurt 2021. Të gjitha informacionet për aplikim i gjeni këtu: https://www.kqz-ks.org/sherbime-per-subjektet-politike/akreditimi-i-vezhguesve-te-subjekteve-politike/

-Afati për aplikim për akreditim të medieve përfundon më 9 shkurt 2021. Të gjitha informacionet për aplikim i gjeni këtu: https://www.kqz-ks.org/sherbime-per-ojq-dhe-medie/akreditimi-i-vezhguesve-te-medieve/

– Afati për aplikim për akreditim të vëzhguesve të OJQ-ve vendore përfundon më 5 shkurt 2021. Të gjitha informacionet për aplikim i gjeni këtu:https://www.kqz-ks.org/sherbime-per-ojq-dhe-medie/akreditimi-i-vezhguesve-te-ojq-ve/

– Afati për aplikim për akreditim të vëzhguesve të organizatave dhe misioneve ndërkombëtare përfundon më 9 shkurt 2021. Të gjitha informacionet për aplikim i gjeni këtu: https://www.kqz-ks.org/sherbime-per-ojq-dhe-medie/akreditimi-i-vezhguesve-te-ojq-ve/

Vetëm vëzhguesit e akredituar mund të përcjellin procesin zgjedhor në vendvotime në ditën e zgjedhjeve dhe procedurat tjera në Qendrën e Numërimit dhe Rezultateve.

Aplikimet mund të bëhen në Komisionin Qendror të Zgjedhjeve gjatë orarit të punës 08:00 – 18:00. Për informata dhe sqarime shtesë, mund të kontaktoni në: +3833820081010 & +38338211995.

Vërejtje: Aplikimet përmes e-mailit nuk merren parasysh, përveç aplikimeve nga jashtë Republikës së Kosovës.