Me ardhjen e Ruben Amorim do të ndryshohen shumë gjëra te Manchester Unitedi, por nuk do të ketë vetëm afrime në “Old Trafford”, pasi pritet që disa futbollistë edhe të largohen nga Manchester Unitedi. Gazetari italian Fabrizio Romano ka dhënë një përditësim për të ardhmen e Christian Eriksen me “Djajtë e Kuq”.

Romano ka raportuar se ardhja e Ruben Amorimit nuk ndryshon asgjë për danezin, i cili nuk është në bisedime për vazhdimin e kontratës me Unitedin. “Manchester United dhe Christian Eriksen pritet të ndahen në fund të sezonit. Nuk ka negociata për marrëveshjen e re, ndërsa opinioni i Ruben Amorim do të merret parasysh gjithashtu, por Erikseni pritet të largohet”, shkruan Romano.