Popullsia botërore po përballet me jetën e egër dhe ne po rrezikohemi nga viruse të reja, paralajmërojnë ambientalistët. Fushata e National Geographic për Natyrën thotë se do të ketë më shumë sëmundje si COVID-19 për shkak të shpyllëzimit dhe përdorimit të kafshëve të egra si kafshë shtëpiake, ushqim dhe ilaç, raporton “Daily Mail”, transmeton lajmi.net.

Enric Sala, një ekologjist detar, thotë se duhet të ndalojmë të injorojmë lidhjen midis sëmundjeve infektive dhe botës natyrore.

Deri në vitin 2050 popullsia globale pritet të rritet 2 miliardë, pra në 9.7 miliardë, e që do të bëjë presion shtesë në burimet ushqimore, duke i afruar njerëzit pranë jetës së egër. Dr Samuel Myers nga Aleanca Planetike e Shëndetit tha se hyrjet njerëzore në habitatin e kafshëve të egra i afrojnë njerëzit në afërsi të popullsisë së kafshëve të egra.

“Ajo që ne dimë është se kafshët e tjera janë një rezervuar shumë i madh i patogjenëve, shumë prej të cilave ne nuk jemi akoma të ekspozuar ndaj tij”, tha ai.

David Quammen, një ekspert për sëmundjet infektive, thotë se ekosistemi ynë përmban shumë lloje të ndryshme të kafshëve të egra, bimët, kërpudhat dhe bakteret. Ai thotë se brenda secilit prej tyre dhe në larminë e sistemit tonë ka shumë viruse unike që mund të hidhen te njerëzit ashtu siç bëri COVID-19.

Nëse e marrim nën kontroll COVID-19, atëherë duhet të fillojmë të mendojmë për një tjetër, tha Quammen, duke shtuar se ishin të nevojshme ndryshimet gjithëpërfshirëse, përfshirë bërjen e lidhjes midis shëndetit dhe konservimit.